Пакуль дарослыя футбалісты адпачываюць у розных экзатычных (і не вельмі) месцах ад мінулага сезону, моладзь ва ўсю пыліць на разнастайных турнірах. Бо што можа быць лепш, чым “засячыся” ў міні-футбол перад доўгачаканым Новым годам?
Вось менавіта таму ў Мазыры напярэдадні наступлення года каня праходзяць турніры па міні-футболе сярод дружын розных узростаў. Пакуль больш дарослыя хлопчыкі змагаюцца на Калядным турніры, для малодшага пакалення было арганізавана цэлых два спаборніцтвы па міні-футбольных правілах.
У першым з іх прымалі ўдзел выключна гульцы моладзевых складаў «Славіі». Па дзве каманды выставілі трэнеры Аляксандр Кліменка (абедзве каманды з хлопцаў 1998-га года нараджэння) і Вадзім Цябус (хлопцы 1999-2000 года нараджэння), а ад Антона Палуянава выступаюць самыя малодшыя - дружына 2000-2001 года нараджэння. Па выніку, у турнірнай табліцы каманды размясціліся наступным чынам:
Каманда Кліменкі - 2
Комадна Кліменкі - 1
Каманда Цябуса - 2
Каманда Цябуса - 1
Каманда Палуянава
Другое спаборніцтва - турнір для трохі малодшых дзяцей. Ён стартаваў 26 снежня і скончыцца толькі ў апошні дзень адыходзячага года. У ім каманды з дзяцей 2002-2004 гадоў нараджэння змагаюцца за прызы ад Дзеда Мароза :) Тут «Славію» прадстаўляюць падапечныя Канстанціна Кавалевіча, астатнія ж калектывы абараняюць гонар мазырскай СДЮШАР і трэнераў Дзмітрыя Турчына, Вячаслава Шэўчыка, Яўгена Будовіча, Аляксандра Цыбліенкі, Леаніда Нэйтмана і Аляксандра Ігнаценкі. Спачатку каманды гуляюць у групавым турніры, а потым будуць змагацца за прызавыя месцы.
Група А:
Каманда Кавалевіча - 1
Каманда Будовіча - 1
Каманда Цыбліенкі - 1
Каманда Турчына - 1
Каманда Шэўчыка
Каманда Нэйтмана - 1
Група Б:
Каманда Кавалевіча - 2
Каманда Будовіча - 2
Каманда Цыбліенкі - 2
Каманда Турчына - 2
Каманда Ігнаценкі
Каманда Нэйтмана – 2
Усе матчы пачынаюцца а 9 раніцы. Так што, хлопчыкі і дзяўчынкі, не сядзіце дома, а прыходзьце-ка ў залу “Будаўнік” не толькі паназіраць за гульнямі маладой змены “Славіі”, але і як-небудзь самім забіць «кульку» перад святамі. Весела ж!